pourchasser

Pourchasser, act. acut. C'est poursuyvre sa chasse sans l'abbandonner, composé de la preposition Pour et du verbe Chasser, et est plus que Chasser, car il signifie Chasser à toute oultrance par labeur et courage indefatigable, Omni labore, studio ac conatu venatui insistere. Non ante quam fera capta, aut certe male agitata, a venatu desistere, L'energie duquel mot Jaques du Fouillous au cha. 3. de sa venerie represente en ces termes: Un seigneur de l'Embale avec une meute de chiens fauves et rouges, lança un cerf en une forest, en la combe de Painctieure, et le chassa et pourchassa l'espace de quatre jours, tellement que le dernier jour il l'alla prendre pres la ville de Paris. Et Nic. Gilles en la vie du Roy Dagobert, rend l'energie dudit mot ainsi: Un cerf esmeu, lequel estant longuement suivi par Dagobert, ses veneurs et chiens, et si lassé et malmené qu'il ne pouvoit plus aller, prind son erre le long de la rue Catullienne, et se vint rendre en la chappelle aux Martyrs, où tantost arriverent les veneurs et chiens, qui longuement l'avoyent chassé et poursuivi (c. pourchassé) huyans et glatissans. De là vient qu'on dit par metaphore prinse des veneurs, pourchasser, pour avecques instance poursuivre quelque chose, Instare gestioni alicuius negotij, Persequi, Prosequi, Nic. Gilles en la vie de Philippe de Valois, parlant de Messire Robert d'Artois: Par tous les moyens qu'il pouvoit, animoit le Roy d'Angleterre et tous les Princes avec lesquels il avoit alliance et affinité, à eux esmouvoir contre ledit Roy Philippe, et tant fit et pourchassa, que le Roy d'Angleterre fit une grande armée par mer et par terre, et descendit en Xaintonge, où il fit plusieurs maux.

Pourchasser d'avoir quelque chose et briguer, Ambire.

Pourchasser envers quelqu'un, Solicitare.

Pourchasser l'amitié de quelqu'un, Gratiam alicuius venari, aucupari.

Pourchasser le profit public, In publicum consulere.

Pourchasser sa vie d'huis en huis, Mendicare.

Pourchasser honnestement quelque estat, Honestis artibus ad aliquod munus publicum aspirare.

Briguer et pourchasser d'estre Consul, Consulatum omni opera ac studio petere.

Pourchasser la mort d'aucun, In perniciem alicuius incumbere.

Pourchasser destruction à quelqu'un, Calamitatem alicui struere.

Pourchasser malencontre à aucun, Parare exitium alteri.

Se pourchasser malencontre, Mendicare sibi malum.

Vous vous pourchassez malencontre, Malum hercle vobis quaeritis.

Pourchasser quelque haine contre aucun, Odium in aliquem struere, Quaerere inuidiam in aliquem.

Pourchasser aucun à luy faire perdre la vie et les biens, Oppugnare aliquem capite et fortunis.

Qui pourchasse pour soy, Solicitator.

Qui pourchasse et fait le guet pour avoir quelque chose que ce soit, Captator.

Qui pourchasse le mal d'autruy, Oppugnator.

Amour me pourchasse, Appetit me amor.

Thresor de la langue françoyse. Jean Nicot.